لا جيت ابنسى واتراجـع واسامحـك
صاحن جروحي واشتكن لي طعونـك


كلك خيانه قول .. وشلـون ابمنحـك
وش موقفك من شخص دايم يخونك !!


اكبر خطا.. لو جيت يمـك اصالحـك
اول تحـوّل .. لاتـغـرّك إلحـونـك


اللي تقوله صح .. لو كنـت جارحـك
(مير) انت غارق للاسف في ظنونـك


وصفك نسيته بس .. باقي ملامحـك
بنهيـك وانهـي بالنهايـه جنـونـك


ماتستحـق امـد (كفـي) واصافحـك
مثلك غلط عمري وابحيـا .. بدونـك


لعبـت دورك شاهـداتٍ مسـارحـك
خدعتنـي واظهـرت خافـي فنونـك


كنت اعتقد .. قلبي هو ابرز مطامحك
اللي يبيـع النـاس لجلـه يصونـك


تعبت اسوق الشوق يمك واصارحـك
اخلصت لك بالحب .. شوفت عيونـك


لكن خسارة صرت غايـة مصالحـك
ياليتنـي ماجيـت .. لحظـه بكونـك


بالامس كنت بنشوة الحب .. امازحك
اخيـل برقـك واتحـرى امـزونـك


واليوم من صفحة حياتي .. ابمسحـك
هديت صرحـك ثـم طاحـت ركونـك


ولابي عيوني لـو تصـورت تلمحـك
اعلنت موتك .. وانسجن لي كفونـك


وان جيت تطلب .. ترتجيني اسامحك
بهديك طعنه .. مـن بقايـا طعونـك

طعون القهر

اختيار راااائع

والله يكفينا شر الخيانه

اخوك
من اكون

بالامس كنت بنشوة الحب .. امازحك
اخيـل برقـك واتحـرى امـزونـك


واليوم من صفحة حياتي .. ابمسحـك
هديت صرحـك ثـم طاحـت ركونـك


ولابي عيوني لـو تصـورت تلمحـك
اعلنت موتك .. وانسجن لي كفونـك


وان جيت تطلب .. ترتجيني اسامحك
بهديك طعنه .. مـن بقايـا طعونـك



كلمات روعه مشكور اخوي ونتريا يديك

تسلم اخوي من اكون

على المرور

تسلمين على المرور اختي

يعطيج العافية اختي على الأبيات الجميلة والرائعه


وأحسنتي في اختيار هذه الأبيات الحلوه وكلج ذوووق ياذوووق وبارك الله فيج


ننتظر يديدج القادم


تقبلي مني أرق التحايا والاحترام

تسلمي اختي ع الموضوع الاجمل من رائع..

كلماتج احلاء..خيتو.. ومني اجمل تحيه لج..والله يزيد من يديدج..

تسلمون على المرور وعلى الردود الحلوه سفاح وقرصان

ربي يعطيكم العافيه

تسلمين خيتو على القصيده
و الله يبعدج عن هالصفه و يبعدج عنها ^^