فمـان الله سافـر للنصيـب وديـرة المقسـوم
فمـان الله سافـر للحنيـن وحلـل أشـواقـي
-
فمان دموع عينـي والغـرام وحبـك المرسـوم
مثل نقش الحجر في وسط قلبي لـه أثـر باقـي
-
فمان الله فاتت شرهـة الخافـق ووقـت اللـوم
لك الله ما بقت غير الدمـوع تباغـت أحداقـي
-
ولا باقي سوى جسم(ن) نحيل وناظر(ن) محروم
يراقب شمس(ن) أقفت من سماي وشالت اشفاقي
-
زمن عدى على ذاك الفراق اللي تقـول اليـوم
وأنا أرشف من يمين الجرح نزفي وأشكر الساقي
-
نبت للحلم ريش وقلت أهده فـي سمـاك يحـوم
ولكن خانت فجـوج الوسـاع وضاقـت آفاقـي
-
رحلت وكل حرف ما لبس مـن هالكـلام هـدوم
تذكـر يـوم أصافـح غيبتـك وأمـد خفاقـي ؟
-
أنا للحين مدري هـو أنـا الظالـم أو المظلـوم
أنا مدري وإذا تـدري تعـال وفتـش أعماقـي
-
أعرف إني سقيت الليل دمع ولاظهـر بـه نـوم
عقب ما مرني فصل السهـاد وحتـت أوراقـي
-
فراق مر في حدب المحانـي تقـل خِيـذة قـوم
ضحى مني نهبـك بغفلتـي واستسهـل وثاقـي
-
يقولون العـرب أن الأوادم مـا عليهـا وسـوم
وأنا لو أدري أنك من نصيبي ما أنكسـر ساقـي
-
يمر الشعر في درب الجديـد ولا يجيـب علـوم
بقى عندي كـلام مـن رحلـت يـدور اعتاقـي
-
فمـان الله وجـه للغيـاب وخلـنـي مـوهـوم
ابعصـر الحنيـن بغيبتـك وأعتـق اشـواقـي


روح الدعابه

فمـان الله وجـه للغيـاب وخلـنـي مـوهـوم
ابعصـر الحنيـن بغيبتـك وأعتـق اشـواقـي

يسلموووووا اختي ...دمتي بود تقبلي مرور اختك.

تحياتي.

تسلمين والله

والله يعطيج العافيه على الكلمات الحلوه

يسلمكم ربي
يشرفني تواجدكم اعضائي الاعزاء

يسلموو دلبوو ع القصيدهـ الحلوهـ ..

كحلاه صاحبتها .. اديييتس ..

نترقب الزوود من مواضيعجـ

يسلموٍ خيتوٍ ع القصيدة

ونتريا يديدج

يسلموو خيتوو ع الطرحـ ..

نتريا يديدجـ ..

أنا للحين مدري هـو أنـا الظالـم أو المظلـوم
أنا مدري وإذا تـدري تعـال وفتـش أعماقـي
-
أعرف إني سقيت الليل دمع ولاظهـر بـه نـوم
عقب ما مرني فصل السهـاد وحتـت أوراقـي

كلمات تعجز الحروف فيها عن التعبير

ويعجز اللسان عن النظق لانها

تحمل في طياتها معاني كثيره

معاني جذابه

اشكر لك هذه الكلمات وتقبل مروري وتحياتي