موضوع حلو وممتع ناقشوا معاي وتقبلوها يا الشباااااااب رحابه صدر..............


بسم الله الرحمن الرحيم


حلال عالشبـاب وحرام عالبنات ليش..؟؟



اذا الشاب احب وبدأ يفكر بالغرام....يقولون عنه هذا كبر ما في مشكله هي مرحله مراهقه وطبيعي جدا.....


اذا البنت "فكرت" تحب...يقولون عنها هذي صارت بنت قليله ادب واهلها ما عرفوا يربوها



اذا الشاب شغل الشريط ( الكاسيت) ورفع الصوت بيقولون عنه هذة حركات وهذا ولدنا ونعرف وش اهو يسوي(والله انك نايم على اذنك روح شوفه وين يروح ومن وين يجي)

واذا البنت سوت نفس الشي يقولون عنها بنت ما بتعرف الاصول وما بتراعي اشي.



الشاب مسموح يعرف بنات.


مسموح يقعد عالنت بدون حدود.


مسموح يرمس بنات.
يقولون عنه(خله يتثقف الحين النت لغة العصر)

البنت يا ويلها اذا سوت هالشي
يقولون لها(انتين لا عندك احساس ولا ذميه وقومي غسلي امواعين احسن من هالخرابيط)

الشاب.. ان طلع صوته بالبيت وقام يرفعه على اخوانه واخواته.. يقولون عنه : (ماشاء الله هذاكبروصار ريال يبغي يثبت وجوده)



البنت. اذا سوت كذا يقولون عنها(انتين ولد ولا بنت وما عندنا بنات ترفع صوتها في البيت ويالله جلبي ويهج)



الشاب اذا اتبع الموضه ولبس اخر موديل يقولون عنه( واحد كشيخ وما فيه ثنين شراته ... وما عليه كلام)


اما البنت.. يا ويلها يقولون عنها( وحده عقلها فاظي وتدور على التفاهات والامور الماصخه)



الرجل الارمل... وهو راجع من دفن زوجته... يفكر بالمرأة الي بيتزوجها


اما المرأه الارمله... مئات بل الالاف القيود حولها



الرجل المطلق يحق له الزواج مره واثنيتن وثلاثه .....
(خله يشوف حياته)

المرأه المطلقه ضلع قاصر بالمجتمع..!! ممنوع عنها كل شيئ
(ان طلعتن من باب البيت حشيت اريولكن )



في النهايه

البنت دايما غلطانه

ليش يعني..؟!

والى متى هذا التفكير في بعض المجتماعات و المنازل؟!!؟!؟!

يسلمووو خيتووو ع الموضوع الطرر

نترقب الزود

صح لساانج وٍالله ..؛

يسلموٍوٍوٍ يالغلآآ ..؛

نتريا منج الزٍوٍد ..؛

^^

يا اخى انت تقصد اننا نسيب البنات كمان على حل شعرها كفايه الولاد وبعدين بالله عليك انت ايه شعورك لما تكون فى البيت واختك بتسوى ها العمايل

تسلمون على المرور

الله يعطيكم العافيه

صدقج والله ..

بس بعد التقاليد والاصول .. ما نروم نقول شي ..

تسلمين يالغلا ع الطرح..

ونتريا الزووود منج ^^

والله صدق شو نسوي مشكلتنا اننا بنات

يسلمو يا لغلا عالاموضوع

تحياتي

يعطيك الف الف عافيه اختي

على هالطرٍح

بس لي ملاحظه بسيطه على طرٍحك

ان الحب مو قصه حرٍام عليكم وٍ حلال علينا

في عادات وتقاليد احنا مقيدين فيها

وهالعادات والتقاليد عمل الحلال على الشباب والحرام على البنات

تحياتي لك

على رٍوٍعه طرٍحك

وٍرٍوٍد وٍرٍيحان

سفاح

تسلمون على المرور

وانا اتقبل وجهة نظر الكل

والله يعطيكم العافيه

انا بصراحه ضد كلام و مع
ضد >>الشاب اذا اتبع الموضه ولبس اخر موديل يقولون عنه( واحد كشيخ وما فيه ثنين شراته ... وما عليه كلام)


اما البنت.. يا ويلها يقولون عنها( وحده عقلها فاظي وتدور على التفاهات والامور الماصخه)

هذا لبس حتى اللبس بيعاتبونا عليه ؟؟؟
و مع >>>الرجل الارمل... وهو راجع من دفن زوجته... يفكر بالمرأة الي بيتزوجها
الان الريال من حقه ان يعيش صدق و شو يسوي بدون حرمه منو بيساعده في حياته خصوصا ان الحياه صعب ان الريال اللحين يعيشها بدون المرأة و ها شي معرووف ..
و تسلمين على الموضوع الله يعطيج العافية اختي