السلام عليكم ورحة الله وبركاته
اشحالكم شو اخباركم ..؟
.... الموضوع ....
حلووو وانشاء الله يعجبكم

.................................................
اول ماتبدا الحصه

((((اابله مافهمت الدرس))))
اكيد مافهمتيه هذا من الهذرة والسوالف والسرحان والضحك بالحصة
((((ابله ممكن اروح الحمام؟؟؟؟؟))))
يعني مافكرتي تروحين الا الحين بعد الحصه روحيه انتم شراات الاطفال رايحين يايين على الحمام

((((ابله ممكن تعيدين الليه قلتيه ماسمعته)))) اكيد ماسمعتيه انتي وربيعاتج بس بتسولفون شلون بتسمعون؟

((((ابله ممكن اشرب ماي؟))))
يعنيه ماصرتيه عطشانه الا الحين احسن خليج عطشانه علشان ماتسولفون ووتتكلمين

(((ابله منهجنا صعب خططيه لنا الكتاب))))
من قبل المعلمه 3ردود اول شي: أخطط لكم جي انتوا اطفال؟؟
ثاني شي:انتم صرتوا كبار بصف(........) لازم تخططون برووحكم
ثالث شي: مافيه تخطيط كل شي معكم احفظوا********>>هذا الليه منقهره لانها كانت تحفظ الكتاب كله
((((ابله دفتريه ضايع شو اسوي؟؟؟؟))))
في هذي الحاله المعلمه ترد عليها
الردالاول:هاه نعم؟؟ شو تسوين؟؟؟ شو رايج اروح بيتكم وادور عليه؟؟؟الا الرد الثانيه: لا الحمدلله ماعنديه دفاتر بمكتبيه اناطرشت كل الدفاتر هاذيج المره
الرد الثالث: ترى ان مالقيتيه دفترج راح تعيديه كله من اول
((((بنت تمسح الصبووره وبعد ماخلصت ابله ممكن اغسل ايديه))))انا اعرفكم يابنات تبون تتهربوا من الحصه لا ياحبيبتي هماشي طلعه خذيلج كلينكس

((((ابله الجو حار مانقدر نستوعب المكيف خربان))))
شو شايفتنيه انا كهربجيه اللي يصلح لكم المكيف؟؟؟روحوا الادارة وقولوا لهم يلا لاتضيعيه حصتنا

((((ابله في نمله تحت الدرج))))
اصلا النمله تخاف منكم يلا بلا تضييع وقت خلونا نكمل شرحنا بس علشان نمله صغيره مسويين قصه

((((ابله الجو حلو ممكن نفتح الدرايش)))) انتوا ماتفتحون الدرايش الا علشان تشوفون على الرايح والياي ماشي فتح
((((استاذة الشمس على عيونيه ممكن نسكر الستاير؟)))) لاخلوها احسن لكم الشمس مفيده لكم الظاهر ان هل المعلمه متعاونه مع احدى شركات التجميل علشان البنات يصيرون
سووووووود من الشمس ويشترون كريمات جايز؟؟

((((ابله صراحه الامتحان كان وااايد صعب)))) سكتوووووووووووا مافي احد طلب رايكم العن ابو الديمقراطيه هاهاهاهاهاها

((((((في حصة فراغ))))))ابلهاالله يخليج طلعينا
مينونة انا اطلعكم ؟؟؟ عشان تسوون ازعاج وتزعجون الصفوف بعدين المديرة ماترضى

((((ابله انا تعبانة ودينيه عند المشرفه)))) ما عليه لاتشاركين ويانا بس سمعيه او حطيه راسج على الدرج وخذيه غفوة او ارقديه
الطالبه بتسأل سؤال بسيط ((((ابله ندرس من الدفتر اوالكتاب؟؟؟؟)))) تتحول ملامحها الى شر وتقول من الاثنين


حليلهم المعلمات بسرعه يعيزون والسبب......... .......

الطالبه بتسأل سؤال بسيط ((((ابله ندرس من الدفتر اوالكتاب؟؟؟؟)))) تتحول ملامحها الى شر وتقول من الاثنين
من الاثنين و الا من الاربعاء هههههههههههه
هه اذكر هالسؤال داايم اساه الابله عاد هي اتقولي لا درسي من مخج افضل هههههه
ثانكس طعون عهالسوالف ههههه

تسلمين فديتج على المرور

الله يعطيج الف عافيه

ههههههههههههههههه
صحيح ابله ....
ولا اروع يالغلا

موضوع حلو نتريا يديدج..

مشكور لك ع الصفحه الجميله...

((((ابله في نمله تحت الدرج))))
اصلا النمله تخاف منكم يلا بلا تضييع وقت خلونا نكمل شرحنا بس علشان نمله صغيره مسويين قصه

عيل لوٍ شافو صرصور شو بيسوٍن

اكيد بنتحرٍون

مشكوره اختي ع الموضوع الجميل